بسنت ودياسطي في طب عين شمس

في يوم مشهود ....زار العم الكبير الدياسطي طب عين شمس .....
فتفتحت اعينه علي الحقيقه ..... و رأي و فهم و سمع مالم يفهمه من قبل 
ها هو يروي لكم قصته .......

الدياسطي : 

افي يوم من الايام اصحيت بدري و كانت الدنيا ملغمه بالحمام فوق البيت....
و فجأه لقيت احمامه بتطير و جناحها مكسور فخطرت في بالي فكره مشروع عظيم 
قلت لنفسيتي : يا واد يا عم دياسطي ايه رأيك تفتح عياده
دي ربحها مضمون و اهي منها تساعد اهل البورتو (( بورتو ابو عجوه)) ده غير السياح كمان ......

روحت المركز عشان اطلع ترخيص عشان العياده ....لقيتهم بيقولولي لازم يكون معاك شهاده .....
فجلتلهم الشهاده ديه بنجبوها من وين ؟؟؟ ....
قالولي عليك و علي القصر ابو عنين اللى فى السيدة....
قلتلهم مشوار بعيد عنى
قالولى طب وعين شمس اللى فى الدمرداش
جلتلهم.....اه ان كان كدا معلش وحيث اكدا : انا لزوما احضر شنطيتي .....

هذه الصورة تمت اعادة تحجيمها . دوس على الشريط الاصفر عشان شتوفها بالحجم الطبيعي . The original image is sized 480x360 and weights 22KB. 


و مكدبتش خبر طلعت جمعت الهدمتين و استقليت توك توك العاصمه تبعنا اللي بيروح القاهره و انطلقنا ......الرحله استمرت حوالي من اسبوع لتلت ايام بس محستش بالوقت لأن هدفي كان اكبر من اكدا بكتييييييير ...

اول لما دخلت الكلية لقيتهم بيشلوني من علي الارض شيل .....
ده لانى كان معاى واسطة اصلى كنت رايح تبع محمود اللى عيكتبلكم حكايتى دلوجتى
غير كمان انى راجل زينه وواعى وكنت بحضر دروس نحو الامية
جالولي يا عم دياسطي انت تدخل سنه تالته طوالي اكدا ........
و بالفعل مكدبتش خبر و دخلت و درست و اتعلمت و فهمت كل شئ و من اول يوم ..

رجعت طبعا للبيت ....واول ما رجعت لقيت بسنت مستنياني و هاتك يا رغي ...



بسنت : اهلا يا زوشتي ......عملت ايه في الكلية يا زوشتي ؟؟.....وريني اكدا الكتب ديه ......الله يا حلاوه علي الكتاب الازرق .......ده بتاع ايه يا دياسطى ده؟

الدياسطي : ده كتاب باراسيتولوجى و لونه اخضر يا جاهلة....انتي شكلك عندك كلور بلدنج
(color blindness) يا بسنت .... ؟


بسنت : اه والله ممكن
الا صحيح يا زوشتي انا عندي سؤال اكدا بس كنت مستنياك لما تتنور عشان تجاوبني عليه ...؟ 

- اسألي و خلصينا يا بسنت .... 

- انا ستي عنديها 90 سنه و كل لما اقعد وييها تقلي انتي عارفه يا بت يا بسنت .....زمان كان فيه بركه كتيره حتي كانت البطه تقدر تطير كيف الحمام بالظبط 
و كان ليها جناحات جويه اوي .......
و فعلا يا دياسطي انا مسكت البطه و لقيتها ليها جناحات بس ما بتقدرش تطير 
ليه بقا ؟؟؟ 

- سؤال منيح ....اصل البطه لما بتطير بتحرق طاقه كتيره و بطلع حاجه كيف اللبن اكدا اسمها لاكتيل زي اللي بييجي في التلفزيون ((lactic acid ) بس البطه بقا غير الحمامه .....البطه مبتحبش اللبن فبترضاش تشربه فيقوم يتكوم فوق بعضيه اكدا في جناحها اليمين ....حتي انك تلاقي البطه جناحها اليمين تخين شويه كيف مخك بالظبط يا بسنت ...اما جناحها الشمال فالمحرك جواه عطل لوحده و بالتالي بقت البطه مبتعرفش تشغله و تطير زي زمان .....بس ايه يا بسنت برضو البطه دلوقتي بقت بتعرف تعوم مش زي البط الجبان بتاع زمان ...

- هيا بتعوم صح .....بس ليه بجا ؟؟؟ مين اللي علمها تعوم ؟؟؟ 

هذه الصورة تمت اعادة تحجيمها . دوس على الشريط الاصفر عشان شتوفها بالحجم الطبيعي . The original image is sized 480x360 and weights 14KB. 


- مش حكايه تعليم يا بسنت .......هيا لما بقت مبتعرفش تطير راح الدم بدل ما كان بيدخل جناحتها بجا بيدخل ذيلها ....فذيلها فضل يكبر و يكبر لغايه بقا عامل كيف المحرك بتاع المركبه بالظبط و بقت بتعوم بيه ....

- يا سلام عشان كدا بييجي في التلفزيون و يقلك : القبطان عزوز بياكل البطه لما يعوز .....طلع عشان بتديله دفعه بحرية

- (الدياسطي و هو بيرجص) : يا سلام عليكي يا بسنت لما تفهميني صح ..

- قلي صحيح انت ركبت المتر بتاع الانفاج ده ؟؟؟ 

- ايوه ...و ركبت واحد كمان له راسين ....ايوه له راس من قدام و من ورا 
بس اكمني راجل واعي و بفهم صح عرفت ان ده حاجه اسمها (genetic error ) 
يعني زي العيال اللي بتتولد براسين بالظبط ......

- اه عشان اكدا هو اسمه المتر ابو راسين .....بس ممكن بعد اكدا اتلاقي المتر الملتصق يا دياسطي صح؟؟ 

- ايوه يا بسنت ممكن كل شئ جايز ….دي حاجه اسمها (الهندسه الوراثية ) تبع الناس المهندسين مش عندينا يعني …. 

بس الناس في الكلية بتفهم صح قوي يا بت يا بسنت طب انتي عارفه ...فيه سكشن الباتا لولوجي فيه ميكرفون بس الدكتورة مبتتكلمش فيه و بتتكلم طوالي اكدا انتي عارفه ليه ؟؟ 

- ليه ؟ 
- عشان اولا الدكتوره صوتها عالي و مش محتاجه ميكرفون .....ثانيا عشان يوفر في الكهربا و اللي نوفره احنا اولي بيه ......و ديه كانت النواه الحجيجية لفكره مشروع الميكرفون موفر للكهربا ....

- و ده عامل ازاي يا دياسطي ؟؟ 

- ده ميكرفون مش موجود منه في العالم الا في الكلية و بس .....و خصوصا مدرج البنهاوى بيشتغل 20 دجيجه بس في المحاضره عشان يوفر الكهربا .....

- و بقيت المحاضره ؟؟ 

- لما بيقطع بقا بيدخل الدكتور صاحب المدرج(عم احمد ) يروح واخده من الراجل اللي بيتكلم فيه و يحطه يريحه شويه و يجيب واحد تاني (استبن) يديهوله و يفضل اكدا كل 20 دجيجة
.......يعني كل ميكرفون يشتغل شويه و يريح شويه زي لعيبه كره الهندس بول بالظبط .....

- و مين اللي بيكون ماسكه بيتكلم فيه يا دياسطي ؟؟؟ 

- مش عارف .....اتلاقيه واحد اكدا معرفوش ....

بس فيه حاجه غريبه انتي عارفه لما واحد بيسيب المدرج و يمشي تقوم تلاقي بقيه الناس مشيت ويحلفوا بالطلاج ماهم مكملين المحاضرة
وبرضه الدكتور يفضل يشرح للدكك..........

- علي رأي المثل يا دياسطي : الجهلاء سابوا المدرج و مشيوا .......و احنا معـــــــــــــاهم ...

- انتي عارفه يا بسنت انا شفت في سكشن برا يا سيتولوجي ايه؟؟ 

- ايه؟ 

- شفت هيكل عضمي لوزه في السكشن العلوىمحطوطه فوق الدولاب 

- و بتعمل ايه الوزه عنديكو ؟!!! ....هيا الوزه نادره و لا منقرضه؟؟؟ 

- لا يا عبيطه دي المفروض كانت تبقي هيكل ديناصور بس هما ملقيوش ديناصور فذبحوا وزه ..... 

- طيب مش اكدا غلط انهم يحطوا وزه بدل الدصناصور ده ؟؟؟ 

- اسمه ديناصور ...مش غلط و لا حاجه اصل الوزه و الديناصور زي بعض تمام كيف اللبن و الحليب ......بس يفرق ان الديناصور لونه اخضر يعني ازرق بالنسبالك .....

- يالهوي يا دياسطي ...ده انا عندي وزه لونها ازرج صحيح .....لتكون دصناصور ؟!!!!! 

- بتطلع نار من بقها ؟؟؟؟

- لا ....

- يبقي خلاص متخافيش مش ديناصور و لا حاجه ....

- و ايه تاني شفته في الشكشن؟؟ 

- كان فيه حاجه محطوطه في زلع صغيره اكدا بيجولوا عليها طرطمنات ....بس كان عليها تراب اكتير .....مكنتش شايف حاجه .....فأشتكينا للست الدكتوره ..

- و هيا قالتلكوا ايه ؟؟؟

- قالتلنا : عشان تعرفوهم .......روحوا و اغسلوهم 


- صحيح يا دياسطي هما ادوك كاركيه الكلية ؟؟؟ 

- لا .....قالولي تعالي خده اخر السنه علي ما يطلع ...بس المشكله اني لازم كل لما ادخل الصبح اطلع البطاجه للعسكري عشان ادخل ...انما لو جيت اخر النهار هدخل عادي 

- طيب ليه اكدا؟؟؟ 

- دي حاجه عندينا اسمها : sycological disorder 


- لما صحيح يا دياسطي هيا المدرجرات عنديكوا فاضيه اكدا و لا زحمه ؟؟؟ 

- هما بيحاولوا يخلوها زحمه عشان نبقي عيله واحده ....يعني تلاقي الصغير فيها بينزل فيه اكبر دكتور فيبقي زحمه اوي 

- يمكن عشان يرفع الروح المعويه للمدرج الصغير يا دياسطي 

- لا و انتي الصادجه .....ده عشان يرفعوها للسما .....

وريني ايدك اكدا يا بسنت ....

- ياااااااااااااه يا دياسطي ده انتا بقيت رومانسي كيف بتوع السيما 

- رومانسي ايه يا عبيطه ........ده انا بقيسلك النبض !!!! 

- اكدا يا دياسطي ؟؟؟؟ بتسخر مني؟؟....ماشي ....العيب عليا اني قاعده في البيت عشان اهنيك ...انا هروح اتعلم في الجصر العينى ده ....و اتنور و اهو احسن من نحو التعليم تبعنا برضو ... 

- خدي اهنا يا عبيطه .....هتسيبي بيتك و زوشك و عيالك اللي لسه هنجيبهم لميـــن وبعدين يا هبله انى فى عين شمس؟؟ 

- مليش دعوه انا لازم اتعلم و ابقي دكتوره وفى الجصر العينى كمان.....

هذه الصورة تم اعادة تحجيمها . اضغط على الشريط ده عشان تشوف الحجم الطبيعي. The original image is sized 560x416. 


- خدي يا بسنت .....

ارجعي ....بيتك ....

طب عيالك يا بسنت ....

روحي يا شيخه يارب لا تنجحي و لا تسقطي و تفضلي متشعلقه اكدا علي رأي السيده أطاطا ....


و دي كانت حكايتي باختصار مع الطب وسنينه اللي خرب بيتي و شرد اعيالي و خلي زوشتي تسيبني .....



بس كل ده يهون ........المهم انه نورلي عقلي