لما تحب تكلم ربنا مش هتحتاج تشحن رصيد
...
ولا كمان هتاخد بالك من كل كلمه بتقولها لا تخاف يفهمك غلط...هو اصلا فاهمك 
كمان مش هتحتاج تقوله
"انا اسف اني ازعجت حضرتك في وقت زي ده ممكن دقيقه من وقتك ؟"
وعارف بقي ايه اهم حاجه في كل ده ؟
انك مش محتاج تعلّي صوتك عشان يسمعك
من غير ولا كلمه .. هو عارف كل حاجه ..
الوحيد اللي مش بتتكسف تحكيله حاجه
والغريب بقي ان الحاجه دي هو اصلا عارفها..!
ومع ذلك بيسمعك و مش بيمِلّ ولا هيقولك
"احنا اتكلمنا في الموضوع ده مليييون مره ..ارحمني!"
الوحيد اللي مش بتتكسف تعيط قدامه
الوحيد اللي بتحبه من زمان بس عمرك ما قابلته ..
الوحيد اللي بيحبك من زمان وانت ماتعرفش !!
